ഐടി.@സ്കൂള് വിക്ടേഴ്സ് ചാനലില് സംപ്രേഷണം ചെയ്യുന്ന ലൈവ് വിത്ത്
ലെസന്സ് ഇനി മുതല് രണ്ട് മണിക്കൂര് തുടര്ച്ചയായി സംപ്രേഷണം ചെയ്യും.
ജനുവരി ഒന്നുമുതല് സംപ്രേഷണം ചെയ്തുവരുന്ന ഈ പരിപാടിയിലേക്ക് സംശയ
നിവാരണത്തിനായി ബന്ധപ്പെടുന്ന വിദ്യാര്ത്ഥികളുടെ എണ്ണം
വര്ദ്ധിച്ചുവരുന്നതും പരീക്ഷ അടുത്തുവരുന്നതിനാലുമാണ് ദൈര്ഘ്യം
വര്ദ്ധിപ്പിച്ചിരിക്കുന്നത്. എസ്.എസ്.എല്.സി. പരീക്ഷ എഴുതുന്ന
വിദ്യാര്ത്ഥികള്ക്ക് ഉപയോഗം വരുന്ന തരത്തില് വളരെ പ്രയാസമുള്ള
പാഠഭാഗങ്ങള് പോലും ലളിതമായി അവതരിപ്പിക്കുന്ന ഈ പരിപാടി പഠനത്തില്
പിന്നാക്കം നില്ക്കുന്ന വിദ്യാര്ത്ഥികള്ക്ക് ഏറെ ഉപകാരപ്രദമാണ്.
വിദ്യാര്ത്ഥികള്ക്ക് പാഠഭാഗ സംബന്ധിയായ സംശയങ്ങള് വിക്ടേഴ്സിന്റെ ടോള്
ഫ്രീ നമ്പരായ 1800429877 ലേക്ക് വിളിച്ച് നേരിട്ട് ഉത്തരങ്ങള് തേടാം
victersquestions@gmail.com എന്ന ഇ-മെയില് അഡ്രസിലേക്കും ചോദ്യങ്ങളും
സംശയങ്ങളും അയയ്ക്കാം. തിങ്കളാഴ്ച ഗണിതശാസ്ത്രത്തിലും ചൊവ്വാഴ്ച
ഭൗതികശാസ്ത്രത്തിലും ബുധനാഴ്ച രസതന്ത്രത്തിലും വ്യാഴാഴ്ച ജീവശാസ്ത്രത്തിലും
വെള്ളിയാഴ്ച സാമൂഹ്യശാസ്ത്രത്തിലുമാണ് പരിപാടി അവതരിപ്പിക്കുന്നത്.
തിങ്കള് മുതല് വെള്ളിവരെ വൈകുന്നേരം ഏഴുമുതല് ഒന്പതുവരെ ഈ തല്സമയ
ഫോണ്-ഇന് പ്രോഗ്രാം സംപ്രേഷണം ചെയ്യും. തൊട്ടടുത്ത ദിവസം രാവിലെയും ശനി,
ഞായര് ദിവസങ്ങളിലും ഇവയുടെ പുനഃസംപ്രേഷണവുമുണ്ട്.