പട്ടികജാതി
പട്ടികവര്‍ഗ്ഗ വികസന വകുപ്പുകളുടെ കീഴിലുള്ള സംസ്ഥാനത്തെ 25 മോഡല്‍
റസിഡന്‍ഷ്യല്‍ / ആശ്രമം സ്‌കൂളുകളില്‍ അഞ്ച്, ആറ് ക്ലാസുകളിലേക്കുള്ള
വിദ്യാര്‍ത്ഥികള്‍ക്ക് പ്രവേശന പരീക്ഷ ഫെബ്രുവരി 22 ശനിയാഴ്ച രാവിലെ 10
മണി മുതല്‍ 12 വരെ വിവിധ കേന്ദ്രങ്ങളില്‍ നടക്കും. രക്ഷകര്‍ത്താക്കളുടെ
വാര്‍ഷിക വരുമാനം ഒരു ലക്ഷം രൂപയോ അതില്‍ കുറവോ ഉളള വിദ്യാര്‍ത്ഥികള്‍ക്ക്
അപേക്ഷിക്കാം. പ്രാക്തന ഗോത്ര വര്‍ഗ്ഗക്കാര്‍ക്ക് പ്രവേശന പരീക്ഷ ബാധകമല്ല.
പൂക്കോട്, ഇടുക്കി എന്നീ മോഡല്‍ റസിഡന്‍ഷ്യല്‍ സ്‌കൂളുകളില്‍ ആറാം
ക്ലാസിലേയ്ക്കും മറ്റ് മോഡല്‍ റസിഡന്‍ഷ്യല്‍ സ്‌കൂളുകളില്‍ അഞ്ചാം
ക്ലാസിലേക്കുമാണ് പ്രവേശനം നല്‍കുന്നത്. വിശദ വിവരങ്ങളും അപേക്ഷാ
ഫോറത്തിന്റെ മാതൃകയും ജില്ലാ പട്ടികജാതി വികസന ഓഫീസുകള്‍ ഐ.റ്റി.ഡി.
പ്രേജക്ട് ഓഫീസ്/ ട്രൈബല്‍ ഡെവലപ്‌മെന്റ് ആഫീസുകള്‍ എന്നിവിടങ്ങളില്‍
നിന്നും ലഭിക്കും. നിശ്ചിത മാതൃകയിലുളള അപേക്ഷകള്‍ ബന്ധപ്പെട്ട ജില്ലാ
പട്ടിക ജാതി വികസന ഓഫീസുകള്‍ പട്ടികവര്‍ഗ്ഗ വികസന ഓഫീസുകള്‍, ട്രൈബല്‍
എക്സ്റ്റന്‍ഷന്‍ ഓഫീസുകള്‍ എന്നിവിടങ്ങളില്‍ സമര്‍പ്പിക്കുന്നതിനുളള അവസാന
തീയതി ജനുവരി 31.