വിദ്യാലയങ്ങളില്‍
ഫുട്‌ബോള്‍ കളി പരിശീലിപ്പിക്കുന്നതിന് പ്രത്യേക പദ്ധതി തയ്യാറാക്കിയതായി
വിദ്യാഭ്യാസ വകുപ്പ് മന്ത്രി പി.കെ. അബ്ദുറബ്ബ് അറിയിച്ചു. സ്‌പോര്‍ട്‌സ്
കൗണ്‍സിലുമായി ചേര്‍ന്നാണ് ഇത് നടപ്പാക്കുന്നത്. കാര്യവട്ടം ലക്ഷ്മിഭായി
നാഷണല്‍ കോളേജ് ഓഫ് ഫിസിക്കല്‍ എഡ്യൂക്കേഷന്‍ സെന്ററില്‍ പുതുതായി ആരംഭിച്ച
ബാച്ചിലര്‍ ഓഫ് ഫിസിക്കല്‍ എഡ്യൂക്കേഷന്‍, എന്‍.ഐ.എസ് ഡിപ്ലോമാ കോഴ്‌സ്
എന്നിവയുടെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി.
സ്‌പോര്‍ട്‌സ് മേഖലയില്‍ കേരളം ഇനിയും മുന്നേറാനുണ്ട്. അടുത്ത് നടക്കുന്ന
ദേശീയ ഗെയിംസിനായി 1200 കോടി രൂപയാണ് മാറ്റി വെച്ചിട്ടുള്ളത്. ഗെയിംസ്
കഴിയുമ്പോള്‍ കായികരംഗത്ത് കേരളത്തിന്റെ മുഖച്ഛായ മാറുമെന്നാണ് പ്രതീക്ഷ.
സ്‌പോര്‍ട്‌സ് കൗണ്‍സില്‍ പ്രസിഡണ്ട് പത്മിനി തോമസ്, സായി ഡയറക്ടര്‍ ജിജി
തോംസണ്‍, എന്‍.എന്‍.സി.പി.ഇ ഡെപ്യൂട്ടി ഡയറക്ടര്‍ ജി.ഐസക്ക്,
പ്രിന്‍സിപ്പല്‍ ജി. കിഷോര്‍ എന്നിവര്‍ സംസാരിച്ചു.