ഏകജാലക
രീതിയിലുളള പ്ലസ് വണ്‍ പ്രവേശനത്തിന്റെ ആദ്യ സപ്ലിമെന്ററി അലോട്ട്‌മെന്റ്
ലിസ്റ്റ് ജൂലൈ 19-ന് (വെള്ളി) പ്രസിദ്ധീകരിക്കുമെന്ന് ഹയര്‍ സെക്കണ്ടറി
ഡയറക്ടര്‍ അറിയിച്ചു. സപ്ലിമെന്ററി ലിസ്റ്റില്‍ അലോട്ട്‌മെന്റ് ലഭിക്കുന്ന
വിദ്യാര്‍ത്ഥികള്‍ ജൂലൈ 20 ന് വൈകിട്ട് നാല് മണിക്ക് മുമ്പ് അതത്
സ്‌കൂളുകളില്‍ പ്രവശേനം നേടണം. അലോട്ട്‌മെന്റ്
വിവരങ്ങള്‍www.hscap.kerala.gov.inവെബ്‌സൈറ്റില്‍ ലഭിക്കും. സപ്ലിമെന്ററി
ലിസ്റ്റ് പ്രകാരം അലോട്ട്‌മെന്റ് ലഭിക്കുന്ന വിദ്യാര്‍ത്ഥികള്‍ക്ക്
ഉയര്‍ന്ന ഓപ്ഷന്‍ നിലനിര്‍ത്തിക്കൊണ്ട് താല്‍ക്കാലിക പ്രവേശനം നേടാനാവില്ല.
അലോട്ട്‌മെന്റ് ലഭിക്കുന്ന എല്ലാ വിദ്യാര്‍ത്ഥികളും ഫീസടച്ച്
സ്ഥിരപ്രവേശനം നേടേണ്ടതാണ്. ആദ്യ സപ്ലിമെന്ററി ലിസ്റ്റ് പ്രകാരം
അലോട്ട്‌മെന്റ് ലഭിച്ചിട്ടും പ്രവേശനം നേടാതിരിക്കുന്നവരുടെ ഒഴിവുകളിലേക്ക്
ജൂലൈ 29 ന് ഒരു അലോട്ട്‌മെന്റ് കൂടി നടത്തും. ഇതിലേക്കായുളള മറ്റു
വിശദവിവരങ്ങള്‍ ജൂലൈ 23 ന് അഡ്മിഷന്‍ വെബ്‌സൈറ്റില്‍ പ്രസിദ്ധീകരിക്കും.
ഇതിനായി അപേക്ഷകള്‍ ജൂലൈ 23 മുതല്‍ 25 വരെ സ്‌കൂളുകളില്‍ സമര്‍പ്പിക്കാം.
ആദ്യഘട്ടത്തില്‍ പ്രവേശനം നേടിയ വിദ്യാര്‍ത്ഥികളുടെ സമ്പൂര്‍ണ്ണ ലിസ്റ്റ്
വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.