സി.ബി.എസ്.ഇ യിൽ ഇനി ഓപ്പൺ ബുക്ക് പരീക്ഷ
(Courtesy Kerala Kaumudi Dated 13.4.2013)
തിരുവനന്തപുരം:
മനഃപാഠം പഠിച്ച് പരീക്ഷയെഴുതുന്ന നിലവിലെ രീതി ഒഴിവാക്കി വിഷയങ്ങളില്‍
നല്ല അവഗാഹം നേടാനുതകുന്ന 'ഓപ്പൺ ബുക്ക് പരീക്ഷ' സന്പ്രദായം 9, 10,
പ്ളസ് വൺ ക്ളാസുകളിൽ വരുന്ന അദ്ധ്യയനവർഷം മുതൽ നടപ്പാക്കാൻ സി.ബി.എസ്.ഇ
തീരുമാനിച്ചു. പ്ളസ് ടുവിന് അടുത്ത വർഷം നടപ്പാക്കും.
കുട്ടികളുടെ
ഓർമ്മശക്തി മാത്രം പരീക്ഷിക്കുന്ന നിലവിലെ പരീക്ഷാ രീതിയിൽ നിന്ന് മാറി
പ്രായോഗിക തലത്തിലുള്ള പഠനമാണ് 'ഓപ്പൺ ബുക്ക് പരീക്ഷ'യുടെ പ്രത്യേകത.
രാജ്യത്ത് വിദ്യാഭ്യാസ വിപ്ളവത്തിന് ഇത് വഴിയൊരുക്കുമെന്നാണ് സി.ബി.എസ്.ഇ
പ്രതീക്ഷിക്കുന്നത്.
ഒന്പത്, പത്ത് ക്ളാസുകളിൽ എല്ലാ വിഷയങ്ങൾക്കും
സി.ബി.എസ്.ഇ ഈ സന്പ്രദായം നടപ്പാക്കും. പ്ളസ് ടു തലത്തിൽ ബയോളജി,
ഇക്കണോമിക്‌സ്, ജിയോഗ്രഫി, ഇംഗ്ളീഷ് വിഷയങ്ങൾക്ക് മാത്രമേ ഇത് നടപ്പാക്കൂ.
പരീക്ഷയ്
ക്ക് നാലു മാസം മുൻപേ എല്ലാ വിഷയങ്ങളുടേയും വിശദാംശങ്ങൾ കുട്ടികൾക്ക്
നൽകും. ഇതിൽ നിന്നാവും എല്ലാ ചോദ്യങ്ങളും. തിയറിക്ക് പകരമായി
പ്രായോഗികതയിലൂന്നിയാവും ചോദ്യങ്ങൾ. കാര്യങ്ങൾ മനസിലാക്കുക,
സന്ദർഭത്തിനനുസരിച്ച് പ്രവർത്തിക്കുക, ചിന്താശക്തി വർദ്ധിപ്പിക്കുക,
കാര്യങ്ങൾ വിശകലനം നടത്തുക, അറിവ് പ്രയോഗത്തിൽ വരുത്തുക എന്നിവയെല്ലാം
പരിശോധിക്കപ്പെടും. കാര്യക്ഷമതയുള്ള നിരന്തര മൂല്യനിർണയം, അദ്ധ്യാപകർക്ക്
തുടർച്ചയായ പരിശീലനം, വിദ്യാർത്ഥികൾക്ക് പരീക്ഷാഭീതി അകറ്റാൻ കൗൺസലിംഗ്
എന്നിവ ഏർപ്പെടുത്തും.
ബ്രിട്ടീഷ് മാതൃക, കേരളം വേണ്ടെന്നുവച്ചു
പരീക്ഷാ
ഹാളിൽ പുസ്‌തകം തുറന്നെഴുതുക എന്നതല്ല 'ഓപ്പൺ ബുക്ക് പരീക്ഷ'
സംവിധാനത്തിലൂടെ ഉദ്ദേശിക്കുന്നതെന്നും പഠനം പ്രായോഗിക തലത്തിൽ
പ്രയോജനപ്പെടുത്തുകയാണ് ലക്ഷ്യമെന്നും സി.ബി.എസ്.ഇ അധികൃതർ
വിശദീകരിക്കുന്നു.
പരീക്ഷായെഴുതാന്‍ കുട്ടികളെ സഹായിക്കുന്ന
റഫറന്‍സ് പുസ്തകങ്ങളും ഇന്റര്‍നെറ്റും ലഭ്യമാക്കുന്ന 'ഓപ്പൺ
ബുക്ക് പരീക്ഷ' ബ്രിട്ടീഷ് മാതൃകയിലുള്ളതാണ്.
ചോദ്യപേപ്പര്‍ നിര്‍മാണം, പരീക്ഷാസമയം, ആന്തരിക മൂല്യനിര്‍ണയം തുടങ്ങിയവയിൽ സമൂല പരിഷ്‌കരണം ലക്ഷ്യം.
ചോദ്യപേപ്പറുകളില്‍ അടിമുടി മാറ്റം വരും; പരീക്ഷയ്ക്ക് കാണാതെ പഠിച്ചെഴുതുന്ന രീതി മാറും.
കേരളം ഉപേക്ഷിച്ചത്
കേരളത്തിലെ
സർവകലാശാലകളിൽ നടപ്പാക്കുന്നതിന് ജേക്കബ് താരു കമ്മിറ്റി ശുപാർശ ചെയ്തതും
സമാനമായ സന്പ്രദായമായിരുന്നു. ചോദ്യപേപ്പറുകളില്‍ സമൂലമായ മാറ്റം
വരുത്തണമെന്നും പരീക്ഷാഹാളില്‍ റഫറന്‍സ് പുസ്തകങ്ങള്‍ അനുവദിക്കണമെന്നും
നിർദ്ദേശിക്കുന്നതായിരുന്നു 2010ലെ പ്രൊഫ. ജേക്കബ്താരു കമ്മിറ്റിയുടെ
ശുപാര്‍ശ. പ്രൊഫ. എന്‍.ജെ. റാവു, ഡോ.സി.എന്‍. സുബ്രഹ്മണ്യം, പ്രൊഫ. രേണുക
ഗുപ്ത, പ്രൊഫ. അച്യുത്ശങ്കര്‍, സി.പി. ചിത്ര, വി. രാജഗോപാലന്‍, എ.എസ്.
വര്‍ഗീസ് എന്നിവരായിരുന്നു കമ്മിറ്റിയംഗങ്ങൾ.
നടപ്പാക്കേണ്ടിവരും
സി.ബി.എസ്.ഇ
നടപ്പാക്കുന്ന 'ഓപ്പൺ ബുക്ക് പരീക്ഷ' സംസ്ഥാനത്തെ സർവകലാശാലകളിൽ
നടപ്പാക്കേണ്ടി വരും. ചോദ്യങ്ങൾ ഗവേഷണ അടിസ്ഥാനത്തിലുള്ളതാവണം. സംവിധാനം
നടപ്പാക്കും മുൻപ് അദ്ധ്യാപകർക്ക് പരിശീലനവും വിദ്യാർത്ഥികൾക്ക്
ബോധവത്കരണവും നടത്തണം. പരീക്ഷാ പരിഷ്‌കരണ സംവിധാനം സംസ്ഥാനത്തിന് ഗുണമേ
ചെയ്യൂ.
- ഡോ. കെ.എം എബ്രഹാം,
ഉന്നത വിദ്യാഭ്യാസ വകുപ്പ് അഡീ.ചീഫ് സെക്രട്ടറി
കോളേജ് തലത്തിൽ നടപ്പാക്കണം
ഇന്റേണൽ
പരീക്ഷകളിൽ പരീക്ഷണാടിസ്ഥാനത്തിൽ നടപ്പാക്കിയ ശേഷം സർവകലാശാലാ പരീക്ഷകളിൽ
ഏർപ്പെടുത്തണം. 'ഓപ്പൺ ബുക്ക് പരീക്ഷ' സംവിധാനം അദ്ധ്യാപന രീതി,
പാഠ്യപദ്ധതി എന്നിവയിലെല്ലാം കാര്യമായ മാറ്റം വേണ്ടിവരും. ഭാഷയും മറ്റും
ഏറ്റവും പ്രയോജനകരമായി ഉപയോഗിക്കാൻ കുട്ടികൾക്ക് കഴിയും.
സാന്പത്തികശാസ്ത്രം പോലുള്ള വിഷയങ്ങളിൽ പ്രായോഗിക തലത്തിലെ ചോദ്യങ്ങൾ ഏറെ
ഗുണം ചെയ്യും.
- ഡോ. കെ.എൽ. വിവേകാനന്ദൻ
കേരള സർവകലാശാലാ സിൻഡിക്കേറ്റംഗം
|
|
