സ്കൂളുകളിലെ ജീവനക്കാരുടെ നിയമനവുമായി ബന്ധപ്പെട്ട അനധ്യാപകര്ക്കു
വേണ്ടിയുള്ള പാക്കേജ് നിലവില് വന്നു. വര്ഷങ്ങളായി ശമ്പളമില്ലാതെ ജോലി
ചെയ്തു വരുന്ന 182 അധ്യാപകേതര ജീവനക്കാര്ക്ക് ഇതിന്റെ പ്രയോജനം ലഭിക്കും.
ഇതു സംബന്ധിച്ച ഉത്തരവ് പുറത്തിറക്കിയതായി വിദ്യാഭ്യാസ വകുപ്പുമന്ത്രി
പി. കെ. അബ്ദുറബ്ബ് അറിയിച്ചു.
182 ജീവനക്കാരുടെ നിയമനം അംഗീകരിച്ചുകൊണ്ടുള്ള ഉത്തരവിന് 2011 ജൂണ് മാസം
മുതല് പ്രാബല്യമുണ്ട്. ഏറ്റവും കൂടുതല് ജീവനക്കാര് അര്ഹത നേടുന്നത്
കൊല്ലം ജില്ലയിലാണ്. നാല്പത് പേര്ക്കാണ് അവിടെ അംഗീകാരം ലഭിക്കുന്നത്.
കണ്ണൂര് - 20, മലപ്പുറം - 13, വയനാട് - 10, കോഴിക്കോട് -2, പാലക്കാട് -18,
തൃശ്ശൂര്- 16, ഇടുക്കി - 9, കോട്ടയം -1, ആലപ്പുഴ - 25, പത്തനംതിട്ട-11,
തിരുവനന്തപുരം -17 പേര്ക്ക് വീതമാണ് ആനുകൂല്യം ലഭ്യമാകുന്നത്. അധ്യാപക
പാക്കേജില് 10000 ത്തോളം പേര്ക്ക് അംഗീകാരം ലഭിച്ചിരുന്നു.